O meu pago
O meu pago é un servizo que a través de distintos medios (presencial e electrónicos) permítelle pagar os recibos do Imposto de Bens Inmobles (I.B.I), Imposto de Vehículos de Tracción Mecánica (I.V.T.M.), Lixo, Sumidoiros, Vado e Auga relacionados con esta administración.
En que consiste
Pode realizar o pagamento dos seus recibos de maneira presencial ou telemática (opción recomendada). O Concello pon á súa disposición as ferramentas necesarias para que poida efectuar o pagamento sen desprazamentos.
Canles de pagamento
PRESENCIAL
Que se necesita?
Para poder realizar o pagamento é necesario que dispoña do documento de ingreso co código de barras. Recibos do Imposto de Bens Inmobles (I.B.I), Imposto de Vehículos de Tracción Mecánica (I.V.T.M.), Lixo, Sumidoiros, Vado, Auga e Imposto de Actividades Económicas (I.A.E.)
Como se fai?
En oficina bancaria
En calquera oficina de ABANCA, BANCO SANTANDER, BANCO SABADELL, BBVA E CAIXABANK. (No seu horario de apertura ao público)
Excepcións:
• Débeda en período executivo: no caso de débedas en período executivo se se realizase o pagamento por entidade financeira unicamente poderá realizarse en ABANCA.
En caixeiros automáticos
Na entidade ABANCA.
En caixa municipal
O pagamento na caixa poderá facerse en metálico nas oficinas municipais, información 988 483 001
TELEMÁTICO
Que se necesita?
Esta é a opción máis recomendada posto que non hai limitación polo tipo de ingreso, podendo realizar o pagamento de calquera débeda e con tarxeta de calquera entidade bancaria, sen custo, evitando desprazamentos. Para poder realizar o pagamento é necesario contar co documento de ingreso co código de barras.
Como se fai?
Desde o computador
Sen certificado dixital: Poderase pagar con tarxetas de calquera entidade bancaria, a través das pasarelas de pagamento de ABANCA sen custo.
Oficina de recadación
Deputación Provincial de Ourense
• 988 317 720 - 988 317 724
Correo electrónico: recaudacion@depourense.gal